نزف قلمي الخاااااص

[عبدالرحمن العرعري]

السلام عليكم ورحمة الله وبركاته


اخواني اخواتي عذرا عن هذا الغياب الذي استمر لفتره طويله


لظروفي الخاصه ،،،،،

واتمنى ان تقبلون عذري وشكرا


اود ان ادون هنا لوحه خاااصه لي


لانثر بها من نزف قلمي الخاص من قصائد كامله وابيات لم تكتمل

__________________________________
--------------------------------------------------------------



لا تقول متكبر انا منك محرج =اضيع بعيونك واضّيع كلامي

احيان لاشفتك ابي عنك مخرج= ماهو جفاء بس انحرج من غرامي

فديت صوتك كل ماجيت تهرج=وفديت انا اللي تحت ذاك اللثامي

يافاتنتني بالسفور التبرج=خافي من اللي له صلاه وصيامي

دربي لغيرك صار فيه التعرج=والدرب يمّك مايتعب عضامي

انا اتعذب وانت فيني تفرج=والشكوى لله جرحي اليوم دامي

[عبدالرحمن العرعري]

ماني مركز دام عينك بعيني=نظرات عينك موت ربي يخليك

عينك تضيّع جعل ربي يعيني = مالو انا امك يوم عجزت تربيك

[عبدالرحمن العرعري]

روحي تراها ملك صارت لااياديك=واليا بغيت اتلافها من يردك

[شموخ]

حيــــــــــــــآك الله بعد طول غيــــآب

اهلا بك وبنزفـــــــــــــــــــــــــــــك العذب وباوتــآركـ الرائعــه

واثقه بانها ستطربنــآ الحــآنكـ

وايضا على ثقه انها ستسطع كنجمه في سماء روحنــآ
فمرحبــآ بك وباوراقكــ,,~

وكل عام وانت الى الله اقرب

[ღ غرور الورد ღ]

حياك الله ,, منور

والله كلمات روعه ,, صح لسانك

وسلمت يمناك

[ريانه العود]

رنت بي كلمات تفوق خيالي بمعانيها
يعطيك الف عاافيه

كلام جميل وذوق رفيع سلمت يمناك

http://mr3oobqatar.com/vb/mwaextraedit5/extra/49.gif

[المدحدر]

اخي عبدالرحمن العرعري
كلمات عانقت السما بمعانيها...
احرف يعجز الخيال وصفه...
كلمات تلئلئ في بحر الابجديات...
قمه في الخيال هو ابداعك وطرحك اخي الغالي...
ابدعت بطرحك ودمت مبدع ..
وتقبل مني كل الاحترام والتقدير.

[عبدالرحمن العرعري]

الله لايهينكم على مرورك الذي اسعدني كثيرا

[عبدالرحمن العرعري]

دايم اخمّن موقعـك ويـن والقـاك
خابـر مكانـك يـوم كنـا حبايـب
اسج رجلـي كـل ماحـل طريـاك
وروح وجروحـي بقلبـي عطايـب
إليال نسيتـك مـر شـيً لذكـراك
ذكرى العذاب اللي حصل وانت غايب
غالي ولكن صعب هالحين ابهـواك
لان الكلام اللي حصل غير صايـب
ادري بتلقى ناس تعشـق مزايـاك
وانا لـي الله عـن محبتـك تايـب
لكن على فكره إليـا كثـرو اعـداك
خلك صبـور ولا تجيـك الغرايـب
نفسي ترى طابت ولا عاد انا ابغاك
وغير العذاب برجعتك ويش جايـب

[عبدالرحمن العرعري]

لاصار ابو نوره يغني ترى قلت=تكفى يابو نوره ترى الجرح غنا



كل ماسمعت العزف منك تذكرت=الغايب اللي فـي غيابـه طعنـا



ياوجد قلبي كل ممسيت وأصبحت=وجد الوحيد اللـي لربعـه تمنـا



عليك ياللي وسط قلبـي تمكنـت=ياللي أبد قلبـي لغيـرك يحنـا



الوقت قصربي وأنا فيه قصـرت=والحظ طايح والزمـان أمتحانـا



عاشر سنه ياوقت مايوم فكـرت=سود الليالي عن بعـض يبعدنـا



بغيبوبة الفرقى ترى ما بعد فقت=ومدري متى هالظيم بيروح عنـا



لو ماني بمسلم وللـرب كبـرت=مابلشت قلبـي بالفـراق وتعنـا

[بحر الاماكن]

مهندس الكلمه الأبداااع عبدالرحمن العرعري
نزف قلمكــــ حيل اعجبني واصل على ذا المنهج المتألق
إنه ليخجل القلم أن يكتب بعدك حرفا أو ينشيء سطرا
فقد ترجمت بإحساسك كل الأهاات والأحزان
وأستمتعت معك في عالم يرقى با لكلمه
نثرت أمامي زهور الربيع بجمال قلمك
كونت مهد الأحلام بقوة أسلوبك
أصبحت كلماتك تتراقص ..
كالفراش أمام أعين البشر
وباتت عيني تذرف دمعه على كبرياء عشقك
دمت متألق
دمت مبدع
دمت لكل محبيك..........

تحياتي لك (سااااهر)</i>

[عبدالرحمن العرعري]

ساهر اخجلتني بهذه الردود المعطره

تسلم يمينك ولاهنت

[عبدالرحمن العرعري]

ياركني اللي داخلك صار مكشوف=بينت بك شئٍ من اول مخفي

حتى العمى لاجاك ياركني يشوف=ويقراء رموز الهم داخل ملفي

[عبدالرحمن العرعري]

شفت الصديق اليوم يجرح خويه=ويبادل احساس الصداقه قساوه

خوه،، صداقه،،والميانه قويه=ماني مصدق تنتهي بالعداوه

ان صرت تفعل خير تلقى خطيه=صدق تذوق المر وسط الحلاوه

[عبدالرحمن العرعري]

الهم يرقص في غيابك ويدبك=وغنّت بك الفرقى وغنيت معها

[عبدالرحمن العرعري]

لو كنت تدري بي اليا شفت عينك =غمضت عينك كل ماجيت يمي

لبى عيونك يابعد عاشقينك=ولبيه يامسكت عذابي وهمي

خلك بجنبي وقهر معاديينك=وقرب اشوي وحط فمّك بـ.....ي

[عبدالرحمن العرعري]

ليه الوصل منّك بدا بالقطاعه =وانا لغيابك ماتحمل ولا اطيق

الكون لامن غبت ضاق اتساعه =وتضيق بي دنياي والخاطر ايضيق

تعال وارحمنا بوصل وشفاعه=قطع الشفاعه مر وينشف الريق

الحب ماهو عنف والا شجاعه =الحب شوق ايشوق القلب تشويق

ياما انتهى حباً مضى بنصف ساعه= وياما تجدد حب من بعد تفريق

[عبدالرحمن العرعري]

مدام تسئل عن غيابي انا وين =والله لحول باقي الشعر يمك


اهداء خاص

[شموخ]

اهـــــــــــــــــــــلآ بك يامن طال غيابك
اهــــــــــــــلآ باامير الحرف .وسيد النزف

صح احساسك ولسانك

اشهد بالله شـــــــــــــــــــــــــآعر

اتعلم
ارتفع صوتي وانا اهتف بحرفك فوجدت من حولي قد قرب وبدا ينصت لما ذكرت
بالفعل كلمـــــــــــــــــآت رائعه وجزلـــــــــــــــــــــــــــــه


اهنئك اهنئك من جوف فؤادي على ارضاحك لاحساسك ..وتلاعبك بالحرف..

بحق شـــــــــــآعر
استمتعت

[عبدالرحمن العرعري]

شموخ شهادتك لي

اعتز وافتخر فيها


يعطيك الف عافيه

على مرورك المشرف بلاشك

[عبدالرحمن العرعري]

يقول دمعه كل يومٍ على الخد =وكل السبب في دمع عينه جفايه

لو كان يدري كيف حالي من البعد=زداة دموعه قال ظلمه كفايه

[شموخ]

الله عليــــــــــــــــــــــــــــــــك والله والله تجحف حقك كلمه مبدع

خيــــــــــــآل واسع وتجسيد رائع..~

صح لسانك واحساسك ياسيد الحرف..~

[بحر الاماكن]

الله عليكـــــــــ شاااعر وقدير بكلماتكـــ سيدي العزيز

يصراااحه استمتعت بنزف قلمكــ الرااائع

ووجت بحور كلماتك تعزف لنا طرباً وتغرد لنا بأروع المعاني

واصل على هذا النهج الجميـــل فانا من ينتظر من يكتب وما تجيده شريحته العذبه

الله يعطيك العااافيه ولا ننحرم من نزف قلمـــــــــــــــــك

دمت ودااااام نبضكــــــــــ

[عبدالرحمن العرعري]

شموووووخ ،،،،، بحر الاماكن


مروركم شرف لي ووسام على صدري

[عبدالرحمن العرعري]

فيك القصايد ابيها تعجب القاري =قبل اعجابي بها لو صرت شاعرها

مدامها فيك والله لعزف اوتاري =ياروح روحي قصيده فيك ما اخرها

[شموخ]

الله عليــــــــك صح لســـــــــــــــــــــــــــآنك واحســـــــــــــــآسك


بيتين تعادل مئات الابيات

لاهنت ياسيد الكلمه

ابيات رائعه جدا

[عبدالرحمن العرعري]

صح بدنك ياشموووخ ولاهنتي

مرورك شرفني واسعدني

[ثــاني الشمــري]

صح لسـانك يالعـرعري شــاعر ومافيك حيله
كل بيت عن قصـايد الله يوفقك
( بس البيت هـذا غـييييييير )
فديت صوتك كل ماجيـت تهـرج ،،،، وفديت انا اللي تحت ذاك اللثامـي
( صح لسانك مره ثانيه ) وكل عاام وانتم بألف خير

[عبدالرحمن العرعري]

صح بدنك ياثااااني

والله اني من المعجبين بشعرك

مشاء الله عليك

وكل عام وانت بالف خير وسلامه

[عبدالرحمن العرعري]

كان الوداع بخاطرك ويل حالي =امانة الله لاتجيني توادع

[عبدالرحمن العرعري]

سطّري ماكتبته في كتابك=وحظني شعري علىراحت يديك

ولملميني وافتحي للحب بابك=وانثريني جعلني مابكي عليك

[عبدالرحمن العرعري]

اكيد تدري كيف حالي بدونك=هم وكدر وازعاج لاصرت غايب

[عبدالرحمن العرعري]

صرت كني قلم بيديك تبراني =لامتى وانت تبرى في غيابك حالي

لعنبو دارك زمانك وانت تشناني=لاتعاون زماني خل بالك بالي

[عبدالرحمن العرعري]

ياثقل هالادمي وياسخف دمه=يدري بوضعي وحبي له ولايبالي

[عبدالرحمن العرعري]

بصوتي


http://www.youtube.com/watch?v=uM-enqBp5LY

[شموخ]

صح لســــــــــــــــــــــــــــــــآنك ..وعلا شانك


ابيات +القــــــــــــــــآء
لا يعلا عليه



ابدعت ياعظيم.~



ادامك المولى لروحنا

[مغروره بك]

تعرف عاااد هالمره بجاملك وبكتب من وحي الخيال

تصدق عااااد في شي بهالقسم غريب من تدخله تحس بانك امير لالالا ملك لالالا

تحس بشعور ماله مثيل تمشي بغرور وتحكي بثقه تضحك بجنون وتبكي الم

تحس بقيمه الحررروف وتشعر بجمال الكلمااات

كل وااحد يقول الابجديه ماتكفيني ابي زوووود عليها دامي كسرتها

كل حرف يقول لعنبو قاف ماصرت بااخره

وكل كلمه تقول لعنبو وزن ماصرت فيه

لكـــن تعرف منهو تبكي الحرروف لماهجرها؟

تعرف منهوتذبل الورق ويموت عطرهالمن تركها؟

تعرف منهو تنكسر الاقلام وتجف حبرهالمن انشغل عنها؟

هذا حال الورق واقلامهاوحرووفها لمن تركها مجنونها

اجل كيف عشاق ماتت بشوق لشوف معشوقهاونزفه

تبي تعرف منهو؟

لاتفكر كثير ولاتخمن ولاتطالع يمين ولاتلتف شمال

روح للورق وشوف الاقلام واسمع صوت الحرووف

كلهم يهتفون ويرددون صوت واحد:

دحمه أشتقنالك نبي نزفك مانبي غيرك يلامسنا

عرفت منهو هالحين؟

من هنــا وهنــا بطلت أناديك بدحمه البخيل رغم ان تقصيرك موجود بس يكفى ان لك

ركن ومتصفح خااص لعشاق نززززفك

مافي دااعي اقول اني معجبه وانك المميز المبدع؟
لان الاعجاب والتميز والابداااع أنت مرساااه وتعلمناه منك..

<قلتلك بجاملك*-* هههههههههههههههههه

لاوربي بجد بردت خاطري بهالمتصفح ياعسى ماننعدم منك ولامن نزززفك يالبخيل<قصدي يالذوق
هههههههههههههههههههههه

كنت هناوهناك
م غ ر و ر ه بك
م

[مغروره بك]

ياثقل هالادمي وياسخف دمه=يدري بوضعي وحبي له ولايبالي


ياعذآآآآآآآآآآبي هالبيت بجد يادحمه

وربي يكسر بيوت الشعر وقيفانها

تعرف بااعجابي بهالبيت بجد ابداااااع لاوربي اكذب الا فوق ماقالو ابداااع

[مغروره بك]

بصوتي


http://www.youtube.com/watch?v=um-enqbp5ly


يالبى حدري بحدري أنشهد ان بهالقصيده شي موطبيعي

ابدعت ترى ماارسلتهاوسائط <ايام ماكنت بصوتك بلافيديو

بس مع الفيديو ابدااااع مايحتاج شهادتي بك مجروحه

[عبدالرحمن العرعري]

هلابك مغروره

تواجدك بصفحتي هو اساس الابداع


تواجدك هنا شرفني واسعدني


دمتي بود

[ماجد]

صح السانك شاعرنا

ابدعت بحق نزف راق لي كثيرا

سااعود دوما

[..بنت الأكابر..]

لن أزيد و أعبر عن نزفكـ سوى بكلمة وآحدة :

{ مـــــبــــــــــدع } بل قد تعديت مرحله الإبدآآآع بمرآحل كبيره ..

أشكركـ بأن وضعت شذرآتكـ العذبة هنــآ بين أيدينــآ ..
شكرآ لكـ على { نزفكـ } ..
شكرآ لكـ على { متصفحكـ } ..

لا تحرمنــآ من مكنون نزفكـ ..

[عبدالرحمن العرعري]

ماجد ،،، بنت الاكابر


تواجدكم بمتصفحي شرفني واسعدني

[عبدالرحمن العرعري]

انت ياللي حبك بقلبي سكن ،،شفت ناسٍ من غلاتك تنقهر

[عبدالرحمن العرعري]

والله ان الحب فيه الذل وارد= من غلات اللي تحبه ماتحس بخطاه

[شموخ]

صح لســــــــــــــــــــــــــــآنك ..واحساسك

احساس طغى على المعاني..~

كلماتك يالعرعري دائما مميزه

لاحرمنا الله هذا الرقي,,~

[عبدالرحمن العرعري]

شموخ صح بدنك يالغلا


والتميز هو بتواجدك العطر

[عبدالرحمن العرعري]

كل ماشفت ردك تحت موضوعي =ارتاح لو غيري منك صار مغبون

[عبدالرحمن العرعري]

جيت وسئلتك ليه عني تجاهلت=يومي كشفت انت الزعل في عيونك

حاولت تخفي شئ عني وحاولت=لين اتضح ان لي سبب في طعونك

[مغروره بك]

يابخت من نام وهو مطعون منك

يالبى رووحك لاتلوم عاشق مات بجنون عشقك

ترى بجد فقدناااااااااااااااااك

[عبدالرحمن العرعري]

مغروره


لبى قلبك ماتفقدين غالي

نورتي متصفحي يالغلا

يسعد مساك

[عبدالرحمن العرعري]

كل القصايد فيك تفرق عن الغير =يفداك شعري لا يفداك قلبي

[عبدالرحمن العرعري]

ليش رحتي ولا قلتي بروح =ليه تطعن قلب ميت عليك

[عبدالرحمن العرعري]

صرت اكابر وجرحك بالصميم=واخفي الحب محرجني غلاك

ليه تجرح وانا جرحي قديم =ليه حطيت في دربي هلاك

ليه حبك بداء وضعه عديم=ليه هذي نهايتها معاك

صار قلبي على اضلوعي هشيم=الله الله سبب هذا جفاك

لامتى قلب مجنونك يتيم=ولامتى متعب اركابي وراك

صار وقتي معك همٍ وضيم=ويل منهو عرف مثلك وجاك

قلبي اللي من اسبابك سقيم=غيرك يشوف وانتي في عماك

[شموخ]

الله عليك ياعبد الرحمن وعلى احساسك الرائع

يروق لي حرفك المرهف


خط ونحن خلفك نرتشف من نبع احساسك

[عبدالرحمن العرعري]

شموخ


تواجدك اسعدني وشرفني

[عبدالرحمن العرعري]

انت ياللــي تصــد وتــخــفي الصــده

هــــاك قلبـــي مـعك لقفيت محــتاجه

في غيابك خـــــــذه مــابيه لاـــترده

واحفظه لي ولاتنوي على احراجه

[مغروره بك]

مازال شعرك مجنون ورااائع

لاعدمناتواااااااااااااااااااااااااااااجدك

[..بنت الأكابر..]

صح لســآنكـ عبدالرحمــن ..

و ربي كلمـــآتكـ لهـآ بريق خــآص ..

أتــآبعكـ بجميع أنوآع الصمت ..

[عبدالرحمن العرعري]

مغروره نورتي بتواجدك الله لايحرمني هالطله

[عبدالرحمن العرعري]

بنت الاكابر ،،، صح بدنك يالغاليه متابعتك تزيدني شرف وسعاده دمتي بود

[عبدالرحمن العرعري]

(شطحه)




معشوقتي ،،

اتدرين اين استوطنتي ؟؟!!

بلا شك قلبي هو موطنك

فعيشي بداخله كيفما شئتي

من يمنعك بما تعملين بداخل

هذا الوطن


وانتي صاحبة القرار الاول والاخير


معشوقتي،،،

بما انك بداخل هذا الوطن الذي

ملكتيه باسلوبك الملئ بسياسه

عاطفيه بحته

اريد ان لا تبخلي باعطاء ما توليتي عليه

من ماوهبك الله من

عطف وحنان

فهذا القلب باشد الحاجه

لعطفك وحنانك

[عبدالرحمن العرعري]

http://4.bp.blogspot.com/_VjqyaPGi4hM/Sco_7t21SiI/AAAAAAAAAKU/DXzJiZbzfbc/s400/%D8%A3%D8%AC%D9%85%D9%84+%D8%A8%D8%A7%D9%82%D8%A9+ %D9%88%D8%B1%D8%AF.jpg



الى كل من مر هنا

[..بنت الأكابر..]

يحق للقلب الذي أخترته { أنت } .. أن يفخر ..
و يحق لـ { معشوقتكـ } .. أن تفخر ..
و يحق لي أن أهنيكـ على تلك الهمســآت العذبة ’’

عزيزي عبدالرحمن ..
أستلذ بأطروحــآتكـ { هنـآ } ..

تــآبع و أبصم أن لك متــآبعين كثر ..

[عبدالرحمن العرعري]

بنت الاكابر


الله لايحرمنا من تواجدك الذهبي

[عبدالرحمن العرعري]

مال الجروح اللي تجي منك داعي =ومال الخطاء عندي اذا زاد غفران

[عبدالرحمن العرعري]

يابو محمد صار بيني وبينه سور

سور الفراق اللي عجزت افك بيبانه

مرت سنه لفراقنا ومعها اشهور

وانا اضمد جرح صده وهجرانه

[عبدالرحمن العرعري]

فيه مشاكل بالتنسيق


ممكن تشوفون المشكله

[عبدالرحمن العرعري]

(شطحه بالفصحى )



الا ياليتني عميتُ ولم ارى

حور العيون وشفتيه الحمر

وياليني غضيت من بصري

ولكن حكمة اللهُ والله قد امر

كم وكم يمرني غيرهُ ولم

اعشق ولن اعشق سواهُ لو يمر

عشقت وجودك بقربي دائما

وبعدك هاهو نارٍ بقلبي وجمر

[شموخ]

المشكله بشنوو ياعبد الرحمن

انت منسق خطك <مافيه اي مشكله ؟

[شموخ]

الله عليك وعلى ابياتك الرائعه

راق لي بقوه نزفك الفصيح

تجيده ..~
ايضا له رونق خاص


اتمنى ارى نصوص اخر على هذا النمط


مبدع بكل لون

[عبدالرحمن العرعري]

المشكله في ايقونة تنسيق القصيده

مايجي عندي

[شموخ]

اخوي المشكله من الهاك نفسه

وانا ارسلت للدعم الفني وسوف يتم النظر في الطلب

[عبدالرحمن العرعري]

شموخ يعطيك الف عافيه

[عبدالرحمن العرعري]

هذا انا ومشواري ...... تعبت اميز افكار ي
فيما ارتحل ولم يعود فيما اوعدني ولم يوفي بالوعود
اتدري كم انا مشتاق

كثر حبات الارز في ارض مليه بزراعته
كثر رجالاً ونساءً
الا ياغايب جروحي عطااايب
وينك ابحث ولم اجد لك في اي مكان هنا وهناك
اتدري انني اشتقت اليك يامن بخلت في وصلك
هيهات هيهات ضاعت الحلقات
انا وانت وقلبي وقلبك انت
يبحثان عن بعض في سماءً وارض
انا كما انا وانت لم تكن انت

لماذا البعد والهجران
هل ياترى طيبي هو سبب ذالك!!

ام هناك اشياء لم اعلم بها
انا لم اعلم بما صار؟؟

ولكن ربنا هو العليم الجبار
في نهاية مشواري
هاهي كلمتي الاولى والاخيره

((كلاً على ماقيل يعرف مصيره))

[شقاوه بحلاوه]

هذا انا ومشواري ...... تعبت اميز افكار ي
فيما ارتحل ولم يعود فيما اوعدني ولم يوفي بالوعود
اتدري كم انا مشتاق

كثر حبات الارز في ارض مليه بزراعته
كثر رجالاً ونساءً
الا ياغايب جروحي عطااايب
وينك ابحث ولم اجد لك في اي مكان هنا وهناك
اتدري انني اشتقت اليك يامن بخلت في وصلك
هيهات هيهات ضاعت الحلقات
انا وانت وقلبي وقلبك انت
يبحثان عن بعض في سماءً وارض
انا كما انا وانت لم تكن انت

لماذا البعد والهجران
هل ياترى طيبي هو سبب ذالك!!

ام هناك اشياء لم اعلم بها
انا لم اعلم بما صار؟؟

ولكن ربنا هو العليم الجبار
في نهاية مشواري
هاهي كلمتي الاولى والاخيره

((كلاً على ماقيل يعرف مصيره))

جميل ان تسير الفصحى مع نكهة النبطي فتخرج لنا تلك الألئ المشتاقة الى محارها
شوق ووله تجمع هنا يأس قارب على الاكتمال ولكن لحظه
توقف وعاد الامل يحيط به فقد تذكر ان هناك رب عليم رحيم جبار


افكاري مشتته وقلبي قلت نبضاته
اشتقت اليك
فلا اعلم اين الطريق المؤدي اليك
اعلم انك تضن اني السبب
هجر رغما عني
لااريد منك الكثير
فقط تمهل وفكر
ابحث
ستجد قلبي بين اضلعك يسكن

فأنا كما انا وانت كما انت
لم نتغير
هي الدنيا من فرقتنا
لاتيأس
فكما ان هناك رب عليم جبار
فهو واسع الرحمه





اعتذر منك سيدي على هذه الخربشه ولكن كلماتك هي سبب ذالك

تقبلني في وسط بحورك الجميله
^_^

[مغروره بك]

:ro7:


ان العيون التي في طرفها حـور
قتلتنـا ثـم لـم يحيـن قتـلانـا
يصرعن ذا اللب حتى لاحراك به
وهن اضعـف خلـق الله اركانـا
<وش رائك بالفصحى

+++++++++

مرت سنه مالك على البال طاري
" لا جاد لك حظ ولا سولفوا فيك


وينك بلم من الجروح الذواري
" طال الهبوب وطال مسراه ساريك

لا مانتظرتك بس طال انتظاري
" لا ما ذكرتك .. بس لا تقول ناسيك


تعرف أني معجبه لكن أعجابي بشطحاتك عالم أخر يالبى شطحاتك

دخبلك ودخيل اللي يحبوونك كثر منهـــا

ياعساني وياعسانــا وياعساهم ماينحرمووووووووووون منــك ولامن طلتك الروووعه يادحمه

[عبدالرحمن العرعري]

شقاوه بحلاوه

تواجدك زادني شرف وسعاده


الله لايحرمنا من تواجدك الذهبي

[عبدالرحمن العرعري]

مغروره بك



لا تقولين وش رايك


رايي بما يخطه قلمك لا يستطيع التعبير

رايي بحضورك هو الشئ الاساسي بما


يخطه قلمي بلا احساس وشعور


نورتي بتواجدك


تحياتي

[عبدالرحمن العرعري]

سواد عينك، والدلع ،مع شفاياك


ضيعت فيها العرعري خاف ربك

[عبدالرحمن العرعري]

قالت جرحتك قلت ماجتني اجروح

ابيك تجرحني وعييت تجرح

قلبي لجرحك بابه اليوم مفتوح

ابي جروحك داخل القلب تمرح

تعال بجروحك بجنبي ولا تروح
لا تروح دام القلب لاجيت يفرح
اي والله احبك وسري لك ابوح
اسج لاسولفت والقلب يسرح

[شقاوه بحلاوه]

الله الله عليك احس الحرف على كيفك تسريه
يلعب بين شمالك ويمناك
لاقلت تعال هنا جاك مثل الغزال
ولاقلت ابيك مناك اسرع من البرق تلقاه بأنتظارك

سلمت ياعبد الرحمن شاعرا متميزا مبدعا

[عبدالرحمن العرعري]

شقاوه اسعدني تواجدك الله لايحرمنا من طلتك الحلوه

[عبدالرحمن العرعري]

يدق جوالي وقول انه يدق

واعاين الشاشه لاهو شخص ثاني

واسلي الخاطر وانا ضايقن خلق

والصدر ضاق وكل شين جفاني

وزادت بي الضيقه من الغرب للشرق

والا الفرح ماله وجود بكياني

[مغروره بك]

لاتنزعج . هذا خفوقي وباقيه
ولاتضايق من تصّدع زواياه


قَد زلزله فرقا وهزة عراويه
والله ستر والحظ عانه وعافاه



كانه صلح لك واعجبك . زيد تبينه
ابنه وجهزّ للمقابيل مبناه


ابغيك بس من المفارق تداريه
وازهل من ايداري شعورك ويدراه

لا تشتكي ضيم الجروح
التفت وبتلاقي لك روح
همها جروحك تطيب
وقلبك من الهم يصبح خلي
يمكن بعض الجروح تزيدك سعاده
الله لايحرمنــا منك

[عبدالرحمن العرعري]

مغروره بك

تفننتي بهذا الرد الذي اخترتي له اجمل بيوت الشعر


مغروره نورتي وشرفتي

الله لايحرمني تواجدك الرائع

[عبدالرحمن العرعري]

اقلط بصدر القلب ريّح بقهويك

بصبلك من دلة الحب فنجال

دامك بوسط القلب ماني محاكيك

قلبي يسولف لك من الجال للجال

[عبدالرحمن العرعري]

صوتٍ سمعته هز قلبي من اقصاه=وشلون لوشفته يسولف قبالي

[عبدالرحمن العرعري]

وينــــــك

[شموخ]

الله عليك ياعبد الرحمن
احساس ×احساس

ابيات جدا رائعه

اعجبني حيييييييييييل اخر ردين لك

ارغمى ثغري على حكم الابتسامه

صح لسانك واحساسك

[عبدالرحمن العرعري]

شموخ


نورتي بتواجدك الذهبي


الله لايحرمنا هالطله

[عبدالرحمن العرعري]

ليه الوصل منًك بدأ بالقطاعه=وأنا لغيابك ما تحمل ولا اطيق

الكون لامن غبت ضاق اتساعه=تضيق بي دنياي والخاطر يضيق

تعال ورحمنا بوصل وشفاعه=قطع الشفاعه مر وينشف الريق

الحب ماهو عنف والا شجاعه=الحب شوق يشوق القلب تشويق

ياما انتهى حبٍ مضى بنصف ساعه =وياما تجدد حب من بعد تفريق

[عبدالرحمن العرعري]

اسج وادله ولكن سجتي يمه=وأروح وارجع على ذكرى سواليفه

كني صغيرن بكى ويقول يايمه=وأنا بحبه طفل واجه صواديفه

الطفل يبكي ويلقى واحد يضمه=وانا دموعي على خدي مجاديفه

يشوف دمعي على خدي ولاهمه=انشهد انه يبكيني على كيفه

ذبحني احساسه اللي باردن دمه=لاقلت وينك عطاني الف تصريفه

[..بنت الأكابر..]

{ عبدالرحمن } :

هــآ هو نزف قلمكـ
{ ينزف } لنـــآ بجديد ..
من حسكـ..

أستلذ بقرآءة نزفكـ ..
وآآآآصل ..

[عبدالرحمن العرعري]

بنت الاكابر


يعلم الله ان تواجد هنا يسعدني ويشرفني


نورتي بتواجدك الذهبي يالغلا

[عبدالرحمن العرعري]

ماني بقايل لك على خير تصبح = انت الصباح اللي تصبًح بك الخير

باقول لك شئٍ وياليت تسمح=شوفتك ياروحي من عصير لــ/عصير

هذي دموعي منك بالخد تسبح=وياليت القى منك للدمع تقدير

ماتدري أن البعد للقلب يجرح=وماتدري انك غير والناس لي غير

يابو عيونٍ سود وساع تذبح=انا دخيل السود ذا البعد لا يصير

حرام لو للقلب مفتاح لفتح =الا عن غيابك لــ/ سكره تسكير

وخلك بقلبي ساكنٍ فيه وفرح=وخدر شراييني عن الضيق تخدير

[عبدالرحمن العرعري]

مثل ماعلمت قلبي في هواك ورحت خليته =تعال وعلمة لاهنت يسلى في غياب احبابه

[غنج التوت]

تسلم يمينك أخوي على إبداعك أكثر من رائع
يعطيك ربي العافيه

تقبل مروري

[عبدالرحمن العرعري]

غنج التوت


نورتي يالغلا

[..بنت الأكابر..]

{ عبدالرحمن } ..

أهنيييييييك ’’

بجد و ربي أهنيك ..
أغبط قلمك !!! أتعلم لمآ ؟؟
لأنه يفتخر و يتبــــآهى بمصاحبة روحكـ البارعة ..

{ عزيزي عبدالرحمن } : أنعش قلوبنـآ ببوحك السحري ..
قد تعبر أنت و تنثر خلجاتك هنا لكنها تلامس أحاسينا قبل مشاعرنا بـ { صمت }..

أحببت شطر قد لفت إنتبـآهي و بعنف :
{ ماتدري أن البعد للقلب يجرح ** و ماتدري أنك غير و الناس لي غير }
صح لســآنك ..

أدخل لنزفك بإختلاس و أريد أن أخرج بإختلاس ..
لاكن أرغمت من قبل بوحك و نزفك أن أدون ما أعجبني ..

وآآآآآآآآصل نزفك ..
متابعين لك شاعرنا ..

[عبدالرحمن العرعري]

بنت الاكابر



متابعتك لي وسام على صدري



لاهنتي

[عبدالرحمن العرعري]

الله يرضى عليك ويبعد احزانك=والله يخليك للي حيل محتاجك

[عازف ألم]

صـح الله لسانك أبـداع... بل في قمـة الابدااااع
الله يعطيك العافيه ياعبدالرحمن

[مغروره بك]

والله يرضى عليك ويبعد احزاااااااااااااااااانك

ابياتك تعتبر قصيده لاوالله الامعلقه

مازلت هنا بين سطووورك فلا تطيل الانتظار

[عبدالرحمن العرعري]

عازف الم ،،، مغروره بك


نورتم بتواجدكم العطر

[عبدالرحمن العرعري]

من هنا سوف اترككم في زاوية ذكرياتي وارحل


وداعا

[شقاوه بحلاوه]

اتيت متعطشه فلم اجد سوا بقايا ابداعيه تصبرني
ايعقل هذا الوداع ذكرايات جميله ولكن مازال هناك مستقبل
فلا تغيب

[..بنت الأكابر..]

وداعا ..


مـــــــــــــــــآذآآآآآآآآ يعني الــــــــودآآآآآع

{ هــــــــــــــنـــــــــــــآ } !!!!!!!!!!!!!

[إبراهيم البجيدي]

صـــح لســـانك يالعرعري ،

وحياك الله , بعد الغياب

[عبدالرحمن العرعري]

اعتذر عن الغيااااب


واتمنى ان تقبلوون عذري

[عبدالرحمن العرعري]

حظ عيني لو تشوفك كل يـوم=في غيابك هالشطر دايم معـي
دايما حظـي بدونـك مايقـوم=حالتي قشرى وينزف مدمعـي
كيف ابنسى والهدايا منك كـوم=وخاتمك دايم معي وسط اصبعي
في غيابك زاد جرحي والهموم=حنّي لقلبي حياتـي وارجعـي

[شقاوه بحلاوه]

عودا حميدا ياصاحب القلم الرائع
حقا اشتقت الى زيار هذي الصفحه
فقد تشبعت بما بها
واريد ان ارتوي بالمزيد

[عبدالرحمن العرعري]

شقاوه بحلاوه

نورتي بتواجدك المشرف لي

[عبدالرحمن العرعري]

دامك ملزم ملزم بالفراق الفراق=قلي وش اللي عن اغيابك يسليني
صدمتني بالوداع وجرح مر المذاق=وسكرة باب السعاده بينك وبيني
الله يجازيك ياللي خاطري منك ضاق=وحرمتني لذة الدنيا من سنيني
ماتدري ان المشاعر جرحها مايطاق=والجرح دايم يعذبني ويبكيني